Шпионски фотографии –Audi A4 Allroad
----------------------------------------------------------
Во моментов единствен автомобил во гамата на Audi што нуди уживање на секаков вид на терен е Audi A6 Allroad. Наскоро тоа ќе се смени – и помалиот А4 ќе добие ист третман.

Нека не ве излажат фотографиите – новиот Allroad нема да биде седан. Ќе се базира на караванскиот модел. Причината што Германците одбраа да го тестираат седанот е едноставна: караванот се уште не е претставен на јавноста.

Како што се гледа на фотографиите, автомобилот ќе биде подигнат од подлогата и ќе добие поиздадени крила и браници кои ќе бидат обоени во црна боја, се со цел да се нагласи карактерот на теренски автомобил.

Моторизацијата ќе остане иста како таа на основниот модел, додека шасијата ќе ги добие потребните засилувања. Погонот ќе биде познатиот Quattro на Audi и тоа во сите верзии, подесен за поголемо уживање во возењето вон асфалтот.

Конечниот модел треба да го очекуваме на некој од поголемите саеми оваа година.

---

Први слики од Audi Q5!
----------------------------------
Ова се првите фотографии од Audi Q5 целосно откриен! Противникот на BMW X3 и Mercedes GLK изгледот целосно ќе го позајми од поголемиот Q7, што е всушност добар потег знаејќи колку е успешен големиот SUV на Audi.



Тие со помалку истренирано око за автомобилизмот нема ни да забележат дека се работи за нов модел од Audi. Едноставно, гледајќи го од напред и од назад е тешко да се забележи дека се работи за нов модел.

Единствено гледано од страна, се гледа дека фотографираниот автомобил е премногу мал за Q7, па од тука и заклучокот дека се работи за новиот Q5.

Како потврда за тоа дека се работи за нов Q5, понудена е и фотографија од внатрешноста на автомобилот, на која јасно се гледа дека на екранот од средната конзола пишува Q5.

Покрај фотографиите други информации за моделот нема, но на саемот во Женева наредниот месец и тоа ќе го дознаеме.

---

Откриени плановите на Audi за иднината!